බුදු දහමද මේ.........................

මම ටොස්මාස්ටර්ස් කල්බ් එකේ බොහෝම වටිනා රැස්වීමකට පස්සේ ගෙදර එන්න බස් එකකට ගොඩ වුනා. සෙනඟ පිරීලා කොච්චි ස්ට්‍රයික් එක නිසා. කොහොම හරි නැගගත්තා කියන්නකෝ, මෙහෙම එනකොට මම ජනෙල්ලෙන් දැක්කා මිනිස්සු පොරකනවා දොරකින් ඇතුල් වෙන්න. මම හොදට බලා උන්නා. ට්‍රැෆික් නිසා බස් එකත් බොහෝම ස්ලෝ වුනා. අනේ ඒක පල්ලියක්, මොකටද මේ පොරෙකන්නේ බස් එක උස නිසා මට පෙනුනා සුදු ලෝගුවක්, බෙදනවා අශිර්වාද පැන්. ඇත්තටම මට දුක හිතුනා මේ මිනිස්සු ගැන. ඒ මිනිස්සු මෙතනට එන්න ඇත්තේ මොනතරම් බලාපොරොත්තු ගොන්නක් එක්කද? සමහර කෙනෙක්ගේ රස්සාව නැතිවෙලා ඇති. විභාගයක් පාස් වෙන්න තියෙනවා ඇති. පිලිකාව, වකුගඩු රෝග තව කොච්චර දේවල් ප්‍රශ්න තියෙන්න ඇතිද? නමුත් ඔය වතුරෙන් ඔය සේරම සුව වෙනවා නම් කොච්චර හොදද? නමුත් ඒක එහෙම නෙමේ කියලා මේ මිනිස්සුන්ට තෙරෙන්නේ නැති හැටි හරිම පුදුමයි. ඇත්තටම තමන් යන්නේ ව්‍යාපාරික ස්ථානයකට මේ සුදු ලෝගුව දාගෙන ඉන්නේ ඒකේ මැනේජර් කියලා ඒ අයට හිතෙන්නේ නැත්තේ ඇයි? අනේ සහෝදරවරුනි අධ්‍යාත්මය විනිවිද දකින්න උත්සහ කරන්න. සල්ලි ගන්න සල්ලි එකතු කරන ආයතනයක් නම් එය ව්‍යාපාරයක්. රැවටෙන්න එපා. නමුත් ඔයාගේ අධ්‍යාත්මය හදාගෙන ජිවිතය සාර්ථක කරගන්න කෙනෙක් ඔයාට උදව් කරනවා නම් අන්න එතෙන්ට ඔයා යන්න. ඔයාගේ ප්‍රශ්නේ විසදුනා නම් හිතේ සතුටින් ඒ අයාතනය පවත්වාගෙන යන්න උදව්වක් කරන්න.

බස් එක එතනින් යනකොට කීපදෙනෙක් අපේ බස් එකට ගොඩ වුනා. අපේ පැත්ත ඉතිං ක්‍රිස්තියානි පැත්තක්නේ ගොඩක් අය ක්‍රිස්තියානි. තරුණ හාමුදුරුනමක් උන්නා පුජක පස්සෙට වෙන් කර තිබුනු සීට් එකේ. බස් එකේ සෙනඟ අනේ වයසක අච්චි කෙනෙක් බොහෝම අමාරුවෙන් පොඩි වෙවි තැලි තැලි නැග ගත්තා බස් එකට. තරුණ හාමුදුරුනම එක්ක හිටපු පිරිමි ළමයා නැගිටලා දුන්නා ඉඩ  ඒ ගෑනු කෙනාට ඉඳගන්න. මගේ හිතේ මැවිලා පෙනුනා ඊලඟට වෙන දේ. මොකද ගෑනුකෙනෙක් ලඟ ඉඳගෙන යන එක අකැපැයි ලු හාමුදුරුවන්ට. අනේ හමුදුරුවනේ ගෙදර බුදුන් අම්මා කියලා නේද? ඔහේලා කියන්නේ එහෙව් එකේ තමන් ලඟින් වයසක කාන්තාවක් ඉඳගත්තම මක් වෙනවද?  ආගම් මිනිස්සුන්ව නිවැරදි කරනවා කිව්වට මොනද මේ කරන්නේ? ආගම හරිම පරස්පර විරෝධීයි. නමුත් අන්ධ මිනිසුන්ට මේක නොතේරන එක අරුමයක් තමයි. ඉතිං අපේ කථාවට අපි ආවොත් ඒකම තමා වුනේ හාමුදුරුවෝ අර ගෑනු කෙනාව නැගිට්ටෙව්වා. අනේ ඒ උන්දා ආයේ තෙරපි තෙරපී අමාරුවෙන් හිට ගත්තා. මම නම් පුද්ගලිකව ඔය පුජක සීට් වලට විරුද්ධයි. හැම ආගම් කතෘවරයෙක්ම තමාට තිබුදේ කැප කළ. නමුත් මේ අය අද මිනිසුන්ගේ සල්ලි වලින් සැප විදිනවා.  ඇත්තටම ආගමද මේ....... බදු දහමද මේ...............????

ආදරය-මුදල්

මාස කීපයක් මම කාර්යය බහුලව උන්නා දැන් ඔන්න මම අයේ අවා සීතලත් අරගෙන දෙසැම්බර් මාසයේ. අපේ කථාවට යන්න කලින් ඒ කියන්නේ ජිවිතේ සාර්ථක බව ගැන කථාව, ඔයාට මුල් කොටස් කියවන්න ඔනා නම් මෙතනින් බලන්න. ඒකට යන්න කලින් පොඩි විස්තරයක් කියන්න කැමතියි මම ගැන හා මේ බ්ලෝග් එක ගැන. මම ලේඛකයෙක් මේ බ්ලෝග් එක මුලින්ම පටන් ගත්තේ මම ලියන දේවල් ගැන මගේ රසිකයන්ව දැනුවත් කරන්න. එත් මම හිතුවා ඊට වඩා යම්ක් කරන්න ඔනා කියලා. ඊට වඩා දෙයක් දෙන්න ඔනා කියලා. ඉතිං මම ජිවිතේ ගැන ලියන්න පටන් ගත්තා. මේක තමයි ජිවිතේ ගැන මම ලියන  3 වන කොටස. ඇත්තටම ජිවිතේ නම් මාරයි. හරිම ජොලි. අපිට සතුටු වෙන්න කොච්චර දේවල් තියෙනවද? ඒවා විස්තර කරන්න පොත් 10000000ක් වත් ඔනා. නමුත් බොරු වළා පටල වලින් අපි ඒ සතුට වහගෙන ඉන්නවා. අපි ඒවා ඉවත් කරලා සතුටු වෙමු. ඒකට මම උදව් කරන්නම්. හරි අපි ගිය සතියේ කථා කළා ආදරය ගැන.

ආදරය කියන්නේ ජිවිතය අපට ඔනා තැනට ගෙන යන්න උදව් කරන ප්‍රධානම අංගය. තව දෙකක් අපට ඔනා ජිවිතය ජය ගන්න ඒ තමයි විශ්වාසය හා පිළිවෙල. මේ දෙක ගැන කාථා කරන්න කලින් ආදරය ගැන කථා කරන්න තව දේවල් තියෙනවා. අපි කථා කරමු ආදරය ජිවිතේ ප්‍රධාන පැති වලට බලපාන විධිය.  මොනාද ජිවිතේ ප්‍රධාන පැති.

1.       රැකියාව හා මිල මුදල්

2.       මිතුරන් හා නෑසම්බන්ධතා

3.       ශරීර සෞඛ්‍ය හා පෙනුම

රැකියාව හා මිල මුදල් 

රැකියාවට හා මිල මුදල් වලට ආදරය කරන්න කිව්වොත් බොහෝ අය කියාවි ආ..... සල්ලි වලට ආදරය කරන්න. ඒක නම් එච්චර හොද වැඩක් නෙමෙයි කියලා. නමුත් අපිට සල්ලි නැතුව බෑ නේද? සල්ලි ඔනා. ඒ නිසා සල්ලි වලට වෛර කරලා බෑ. ඉසසර උන්නු බොහෝ පුජකයෝ මුදල් ගැන හිතන්න ඒපා කියලා කිව්වා එත් ආගම් වල සැබෑ අරමුණ අපිව යහපත් කිරීම නම් මුදල් වලට වෛර කිරීම සුදුසු නෑ. මුදල් වලින් කෙනෙක් සුන්දර වෙනවා. මුදල් වලට පුළුවන් කෙනෙක්ව ලස්සන කරන්න. එහෙම නම් මුදල් අපිට ආරක්ෂාවක් එහෙමයි බයිබලයේ පවසන්නේ. මුදල් හම්බ කරන බොහෝදෙනා පොසත් වුනු බොහෝ අය මුදල් ගැන හොද හැගීමක් තිබෙන අයයි. මේ අයට ලෝක අර්ථිකයේ බිද වැටීම් යුද්ධ රටවල අස්ථාවරභාවය බලාපා නෑ. රොත්ස්චයිල්ඩ් පවුල යුරෝපයේ කාලයක් බැංකු කටයුතු කළ පවුලක් අදටත් ඔවුන්ගේ පවුල බැංකු කටයුතු වලට ප්‍රසිද්ධයි. නැපොලියානු යුද්ධය පැවති කාලයේ ඒ කියන්නේ ප්‍රංශයේ වොටර්ලු ප්‍රදේශයේ නැපොලියන් හා එංගලන්තය සටන් වැදි සමයේ බ්‍රිතාන්‍ය කොටස් වෙළඳපොළ කඩා වැටුනා. වෙළඳපොළ කඩා වැටෙන විට නෙතන් රොත්ස්චයිල්ඩ් කොටස් වෙළඳපොලේ ආයෝජනය කළා. එංගලන්තය ජයග්‍රහණය කලා. එක දවසින් නෙතන් රොත්ස්චයිල්ඩ් කෝටිපතියෙක් වුනා. මුදල් වලට තියෙන ආදරය වැරදි නෑ. නමුත් කුහක හා නරක සිතුවිලි මුදල් නොමගට යොමු කළ හැකියි. මුදලට ආදරය කරන්න. නමුත් පෙරේත වෙන්න එපා. මතකනේ අපේ රටේ යුද්ධයක් තිබුනා. අවුරුදු ක කාලයක් මේ කාලය ඇතුලත බොහෝ පෝසතුන් ලංකාවේ බිහි වුනා. යුද්ධය ඒ අයට බලපෑවේ නෑ. අපේ රටේ කොටිපති ව්‍යාපරිකයන් බිහි වුනා. වසර 2006දී ආර්ථික අවපාතය ලෝකෙටම බලපෑවා නමුත් ලොකේ බිලියනපතියන් ගණන වැඩි වුනා මිසක් අඩු වුනේ නෑ. බිලියනපතියන්ගේ වත්කම් වැඩි වුනා. මේ පොසතුන්ට මුදල් ගැන හොද ආකල්පයක් තිබෙනවා. මුදල් ගැන හොද ආකල්පයක් ඇති කර ගන්නේ කොහොමද? 

අපි ඉන්නේ විශාල ආර්ථික ප්‍රශ්න ගොඩක නම්, දාරාගන්න බැරි බිල් ඔබට එනවා නම් මුදල් ගැන හොද ආකල්පයක් නැතිව යන්න පුළුවන්. මේක අපි වෙනස් කරමු. ඔබ දැන් ඉන්න තත්වයවයවත් රටේ ආරථික ප්‍රශ්නවත් මුදල් ආකර්ශනය කර ගැනීමට බල පාන්නේ නෑ. ඔබේ ආකල්ප තමයි බලපාන්නේ. එහෙම නම් අපි ආකල්ප වෙනස් කරමු. ඒකට අපි පොඩි සෙල්ලමක් කරමු. ඔබ වෙත ආපු සේරම බිල් ලඟට ගන්න. බිල් නැත්නම් කොලෙක ගෙවන්න තියෙන ගණන් ලියන්න. දැන් ඒ බිල් නිසා ඔබට ලැබුනු දේ ගැන සිතන්න. ඒ ලැබුනු දේට ස්තුති කරන්න. ඇත්තටම ‍ෆොන් එකෙන් අපි කොච්චර වැඩ කරගන්න ඇද්ද? විදුලිය අපිට කෙතරම් ප්‍රයෝජනවත්ද? ඒ නිසා ඒ බිල් වලට බනින්න එපා. ඒ වලට ස්තුති කරලා බිල ගෙව්වා කියලා හිතන්න. ඇත්තටම ඒ විදියට හිතන්න. නොදැක විශ්වාස කරන්නා අශිර්වාද ලද්දේය කියා කියනවා බයිබලයේ. ඊට පස්සේ බලන්න වෙන දේ. බිල ගෙවන්න මුදල් ලැබුනට පස්සේ කොලේ ලියන්න බිල ගෙව්වා ස්තුතියි කියලා. 

තව සෙල්ලමක් චෙක් කොලයක් ගන්න මාසේ ඔයාට අවශ්‍ය මුදල් නැත්නම් ඔයා හම්බ කරන්න බලාපොරොත්තු වෙන මුදල එකේ ලියන්න. දැන් හැමදාම උදේ ඒ චෙක් එක ඇත්තටම ලැබුනා කියලා හිතලා ස්තුති කරන්න. මුදල් ගැන වැරදියට හිතන්න එපා. මුදල් වලින් අපට බොහෝ යහපත් දේවල් කරන්න පුළුවන්. ඒ වගේම අයහපතත් කරන්න පුළුවන්. හිතන්න රස අඹ ගෙඩියක් කපන්න උදව් වෙන පිහියකින් කෙනෙක්ව මරන්නත් පුළුවන්. ඒ වෙගේ මුදල් යොදවලා හොද දේ කරන්න පුළුවන්. Zero negatives කියන්නේ මම අත් හදා බලන සංකල්පයක්.කිසිම දෙයක් ගෙන පොඩ්ඩක්වත් සෘණාත්මකව අපි හිතන්නේ නෑ. සෘණාත්මකව කටයුතු කරන්නේත් නෑ. එහෙනම් මුදල් ගැනත් ඒ විදියට අපි හිතමු.

ආදරය කරන්න

ලේඛකයෙකුගේ දින පොත 6 කොටස

වාසී අවාසී මැද්දේ ගෙවුනු සතිය හරි අපුරුයි. අපට හැම විටම ජය ලැබෙන්නේ නෑ. නමුත් මම නම් කවාදාවත් පාරාද වෙන්නේ නෑ. තවකාලික පසුබැසීම් පාරජයක් ලෙස හිතලා තවදුරටත් උත්සහා නොකර උන්නොත් ඔයා අමාරුවෙ වැටෙනවා.

කොල්ලන්ට නම් මේක ටිකක් හුරුයි. මතක් කර ගන්නකෝ ඔයා ආදරය කරන කෙනා එක පාරටම හා කිව්වද? ගොඩක් දුරට බෑ කියලා තමයි හා කියන්නේ නැද්ද? මම බොරුද කියන්නේ. හොදයි අපි ගිය සතියේ අලුත් වැඩක් කරා නේ. ඒ වැඩේ දන්නේ නැති අය මේකට ගිහිල්ලා කියවලා බලන්න. දැන් ඔයා ඒ දේ අමතක වෙලා වෙන්න ඇති. එහෙම නම් කියවලා බලන්න නැවත. ගිය සතියේ අපි අපේ අරමුණ අපේ හීනේ ගැන කතා කළා මතක ඇති. ඔයා ඔයාගේ හීනෙට කොච්චර ආදරේද? ගොඩක් වෙලාවට අපි ආදරය කරන්න හරි ලෝභයි. අපි අපිටවත් ආදරය කරන්නේ නෑ. සමරහ වෙලාවට අපි හරයට හුස්ම ගන්නේවත් නෑ. ආ මල්ලි නංගි කියන්න අමත වුනා මගේ ලිපි කියවද්දි නිකම්ම කියවන්න එපා. කොලයක් පෑනක් ගන්න. මම කියන ඇක්ටිවිටිස් කරන්න. මම හරි අකමැති දෙයක් තමයි ඔය ඉංගිරිසි කෑලි සිංහල මැද්දෙන් දාන්න. එත් වට්ටු ඩු අපේ ඉන්නවා නේ ඒකටත් ආස කොල්ලෝ කෙල්ලෝ ටිකක්. වල් පල් කිව්වා ඇති. දැන් ලෝභ නැතුව හොද හුස්මක් ගන්න. හොද ගැඹුරු හුස්මක් පෙනහැල්ල පිරෙන්න හුස්ම ගන්න. මේක එලියට ගිහිල්ලා කෙරුවා නම් ගොඩක් හොදයි. නැවුම් වාතයෙන් ඔයාගේ පපුව පිරෙද්දි ඇස් පියාගෙන් ඔයාගේ හීනේ ගැන හිතන්න. ඇත්තටම ඔයාගේ හීනේ ලඟට යන්න ඒක තුළ ජිවත් වෙන්න. ඒකට ආදරය කරන්න. ආදරය කියන්නේ පුදුමාකාර ගුණංගයක්. ආදරය කියන්නේ දෙවියන්ට කියලා බයිබලයේ කියලා තියෙනවා.

ජේසු දුන්න නීති දෙකේම තියෙන්නේ ආදරය ගැන ඒවගේම මුළු දේව නීතියේම හරය ආදරය නැත්නම් ප්‍රේමය කියලා ජේසු කිව්වා. සෝ ඔයාගේ හීනෙට ආදරය කරන්න. මම කියන්න අදහස් කර ගෙන උන්නු බොහෝ දේවල් එකෙන් කියවුනා. නමුත් අරමුණක් ඉටු කරගන්න අවශ්‍ය ද්‍රව්‍ය මොනාද කියලා අපි පිළිවෙලට බලමු.

1.ආදරය

2.විශ්වාසය

3. පිළිවෙල

ආදරය ගැන අපි කථා කළා නේද? ආදරය ගැන අපිට පොත් දාහක් හරි ලියන්න පුළුවන්. පරිසරයට හිරැ වාගේයි ජිවිතයට ආදරේ. හිරැ නැති කාලේ කටුකයි සීතයි මුළු ලොවම මිය යයි. ආදරය නැත්නම් ජිවිතයත් ඒ වාගේ වෙයි. නමුත් මල්ලි නංගි මේක හිතන තරම් ලේසී වැඩක් නෙමේ. හිතන්නකෝ ඔයා පාසැල් යන කෙනෙක් නම් අම්මා තත්තා බනිනවා. රස්සාව කරන තැන බොසා බනිනවා. බොයි ෆෙරෙන්ඩ් බනිනවා. දැන් ඒ පුද්ගලයන් ගැන ආදරය හිතෙනවද? ඔයාට තරහක් නේද එන්නේ? අන්න අපිට වරදින තැන. එයාලා බනිනකොටත් රවනකොටත් එයාලා ගැන හොද හිතන්න. සමහර වෙලාවට එයාලා බනිනේ ඔයා ගැන හිතන නිසා වෙන්න පුළුවන්. සමහර වෙලාවට ඔයා ගැන වැරදි විදියට හිතගෙන ඇති. වැරදි තොරතුරක් කව්රු හරි කියලා ඇති. ඒ නිසා නිසලව ඒ අයට හිතින් ආදරය කරන්න. එතකොට එයාලට මොනාද වෙන්නේ? එයාලට හිතෙයි තප්පෙකට බැන්නා වගේ කියලා. බනින එක තරහා ගන්න එක එයාලගේ ප්‍රශ්නයක්. ඇයි ඔයා ඒක ඔළුවට ගන්නේ. ඔයාගේ ඔළුව පිරිලා තියෙන්න ඔනා ඔයාගේ අරමුණෙන්. සෑම තප්පරයක්ම ඒ ගැන හිතන්න.ඒ අරමුණට යන එක නවත්තන්න කාටවත් ඉඩදෙන්න එපා. කිසිම වෙලාවක වෛරය නැමති විස මනසට ඇතුල් කර ගන්න එපා. ජේසු කිව්වා එක කම්මුලකට ගැහැවුවොත් අනිත් කම්මුලත් දෙන්න කියලා. ජේසු සරල වචන වලින් පැහැදිලි කලේ මේ අදහස තමයි. ඒ නිසා හැම වෙලාවෙම ආදරය කරන්න. හීනා වෙන්න. හිත නිසල කර ගන්න. ලොභ නොවී කටයුතු කරන්න. ඔයාගේ ජිවිතේ සැනසීම සතුට ගොඩක් වැඩි වේවි. බයිබලය කියන පොතට මම කැමති ඒකේ ප්‍රේමය ගැන ගොඩක් තියෙන නිසයි.

අපිට මුළු සිතින්ම අපි කරන දේට ආදරය කරන්න පුළුවන්නම් ජයග්‍රහණය එතැනයි. මම දන්න හිතවත් තරුණ ළමයෙක් හිටියා එයාගේ නම හේෂාන් කියමුකෝ හේෂාන්ට ඉගෙන ගන්න ඔනා එත් ආසාවක් තිබුනේ නෑ. මේ ඉන්න අතර තුර එයාට හම්බ වුනා දීප්තිව. දීප්තිගේ අත් දෙකයි කකුල් දෙකයි පණ නෑ. එත් එයා ව්‍යපාරිකයෙක් බවට පත් වෙලා තිබුනා. හේෂාන් දිප්තිගෙන් ඇහුවා ඇගේ රහස මොකක්ද කියලා. දීප්ති කිව්වේ රහස තමයි ආදරය එයා හැමදේටම වඩා ව්‍යාපාරයට ආදරෙයි කිව්වා. හේෂන් එතැන ඉඳලා ආදරය කරන්න පටන් ගත්තා අධ්‍යාපනයට. දැන් එයා හොදට ඉගෙන ගන්නවා. කැම්පස් යන්නත් ලෑස්තියි. ඇත්තටම ආදරය කරන්න. ආදරය දුන්නොත් තමයි ආදරය ලැබෙන්නේ. මම මෙහෙම අවසන් කරන්නම් අද කොටස, මම මේ බොලොග් එක පටන් ගද්දි කවුරුත් කියෙව්වේ නෑ එත් අද සතියට 100 ගානක් මගේ බ්ලෝග් එක කියවනව ඇයි ඒ? එකට හේතුව මගේ හීනේට මම ආදරය කළා. ඔයාගේ හීනේ දකින්න හීනේ ගැන හිතන්න එකට ගොඩාක් ගොඩාක් ආදරය කරන්න. ඔයාට විශ්වාස කරන්න පුළුවන් ඔයාව විශ්වාස කරන මට ඔයාගේ ඔනෑම ගැටලුවක් ලියලා එවන්න. අපි එකතු වෙලා උත්තර හොයමු. 

ඡයාරූප  ඡයාරූප 2

ජිවිතය හරිම ලස්සනයි අගෝස්තු 23

ලේඛකයෙකුගේ දින පොත 5 කොටස

නැගිටින්න, නැගිටන්න කොල්ලෝ, නැගිටින්න කෙල්ලේ, ජිවිතය උඹ එනකල් බලා ගෙන් ඉන්නවා ආදරෙන්..... උඹලාව බදාගෙන ඉබගන්න සතුටින් ජිවිතය බලා ඉන්නවා මගේ දුවේ, මගේ පුතේ. ඇත්තයි උඹට හිතෙනවා ඇති මෙහෙම ගුලිවෙලා උන්නා නම් හොදයි කියලා .... එත් ජිවිතේ රස බැලුවා නම් ඔයා අද ඔතන ඉන්නේ නෑ. එන්න එලියට. නංගියේ මල්ලියේ ඔයාලට ගොඩක් හොද ජිවිතයක් ගත කරන්න ඒ ජිවිත විදවන්නේ නැතුව රස විදින්න ලස්සන අවස්ථාවක් තියෙනවා. ඔයාට තාම 19 ක් 20ක් වෙන්න ඇති. නැත්නම් ඉස්කොලේ යනවා ඇති. අපිට තව ගොඩක් කල් තියෙනවා කියලා ඔයා හිතනවා ඇති. නමුත් ජිවිතේ පටන්ගන්න කාලය දැන් කියලා හිතන්න.

අපි පොඩි වැඩක් කරමු. ගන්නකෝ කොලයක්........ තව අවුරදු 10කින් ඔයා ඉන්න තැන ලියන්න. තව අවුරුදු 10කින් ඔයා අත් කරගන්න බලාපොරොත්තු වෙන්නේ මොනවාද? කාර් එකක් ගන්න හිතනවද? ලස්සන ගෙයක් හදන්න, රට යන්න, බැඳලා සන්තෝෂයෙන් ඉන්න හිතනවා ඇති. අදින් අවුරුදු 10ක් ගියාම ඒ කියන්නේ 2025 දී. ඔයා කරන දේ ලියන්න.

ඇත්තටම මේ ජිවිතය හරිම ලස්සන තැනක් කොච්චර ලස්සන තැන් තියෙනවද පොළවේ. ජේසු කිව්වා කෙතේ තියෙන පුංචි තණකොළ මලක් රජකෙනෙක් සැරසිලා ඉන්නවාට වඩා ලස්සනයි කියලා. 

ඒක ඇත්ත නේද? 

හිම කැටයක් කොච්චර ලස්සනද? මේ ලෝකේ කොච්චර ලස්සන තැන් තියෙනවද? ඉතාලිය, ප්‍රංශය ඉන්දියාව කොච්චර ලස්සන රටවල්ද? ඒ රටවලට ගිහිල්ලා ඒවා බලන්න ආසා නැද්ද? යන්න බලන්න. ක්‍රියාශීලි වෙන්න. මෙලෝ රහක් නැති කම්මැලියෙක් වෙන්න එපා. අපි ජිවිතේ ජය ගන්නවා. ඔයා ජිවිතේ ජය ගන්නවා.

දැන් අර කොලේ ගන්න. දැන් විනාඩි 6ක් 7ක් අරගෙන් හිතින් මවා ගන්න ඔයා දැන් ඉන්නේ අවුරුදු 10කින් ඔයා එන්න ආස කරන ලස්සන තත්වේ කියලා. පුළුවන් තරම් ඩිටේල්ස් දලා හිතන්න. ඔයා අසා කාර් එකකට නම් එකේ පාට මොඩ්ල් එක කාර් එකේ ඇතුලේ ස්භාවය ඒ සේරම හිතන්න. අතට දැනෙන්න අරින්න.

දැන් ඔයාට දැනෙන්නේ කොහොමද? හොදයි අපි අයේ හෙට හම්බ වෙමු. ඔයාට හිතුනුදේ කමෙන්ට එකකින් දාන්න. හෙට අපි අලුත් දෙයක් කරමු. 

නිර්මාණ 2

ඊයේ ඡන්දේ, මම නම් ඡන්දේ දාන්න ගියේ නෑ. එක තේරුමක් නෑ. වෙලාවකට පිස්සුවක් වගේ. අපි තොරපු උන් අපිටම කෙලින කොට මාර ආතල් එකක් ඇති නේද? සමහරු අම්මා තාත්තටවත් අපේක්ෂකයන්ට තරම් සලකන්නේ නෑ. ඉතිං මම ඡන්දේ දාන්න ගියේ නෑ. දැන් කාරණේට බහිමුද? නිර්මාණය හා නිර්මාණකරණය ගැන නේ මේ අපි කථා කර කර හිටියේ. දැන් මම නිර්මාණය 1 කොටසේ කියු එක ක්‍රමයක් වඩා හොදින් පැහැදිලි කරන්නම්. එ්ක තමයි යම් සුළු සිද්ධියක් ගැන දිගින් දිගටම සිතීමේන නිර්මාණයක් බිහි කිරීම.
උදහරණයකට මම මොටර් බයික් එකේ ගමනක් ගියා. මම යන ගමන් හිතුවා මම යන්නේ අස්සයෙක්ගේ පිටේ කියලා මම කුමාරයෙක් කියලා දැන් බලන්න ලිය වෙන දේ.

-------------------------------------------------------------------------------------------------------------

කුමාරය වෙරළ තිරය දිගේ ඇති පාරට පිවුසුනා ඔහුගේ වම් පසින් තිබෙන්නේ කළු වළාකුල් සෙවන වැටී අඳුරු පාට ගත් මුහුදයි. දකුණු පසින් ඝනව වැඩුනු කැළයත් තැනින් තැන නිවස් කීපයකුත් දක්නට ලැබුනි. කුමාරයා එක වරම ගම්මානයට පිවිසියේය. කවදත් මිත්‍රශිලී වු කුමාරයා සිනාහවකි මුව සරසාගෙන දකින සැම අයට අචාර කළේය.
කවුද ඒ, තැන තැන මිනිසුන් කථා වෙන්නට විය. කුමාරය නොනැවති ගමන් කළේය.
ඒ අපේ කුමාරය එකෙක් කෑ ගසමින් කුමාරයා ගමන් කළ දෙසට ගමන් කරන්න විය.
කුමාරය ඇවිල්ලා ගැහැනියක් කීවාය.
තවත් එකෙක් පළමුවට කෑගැසු මිනිසා පසුපස දිව ගියේය. අපේ කුමාරයාට ජය වේවා. විශාල ජන සමුහයක් කුමාරයා ගමන් කළ දෙසට ගමන් කරන්න විය. කුමාරයා සෙමෙන් වේගය අඩු කළේය. ජනතා විශාල ප්‍රමාණයෙන් ඔහු වටා රැස්වුනේය. අපේ කුමාරයට ජය වේවා යන හඬ හැතැක්මක් පමණ එහායින් වු හේවා බලමුළුවටද ඇසී මහත් කළඹලයක් ඇති විය.
සෙනවිතුමනි කුමාරයාට ජය වේවා කියලා හඬක් ඇසෙනවා. තම අතින් සළුව ගෙන පැමිණි තිස්ස නැමති උපසෙන්පතිතුමා සෙන්පති බණ්ඩාරට දැන්වුවේය.
කුමාරයා......... සෙනවිතුමා මිමුණුවේය.
සේනාව ලෑස්ති කරන්න තිස්ස......
සෙනවිතුමා අසල වු රාක්කයෙන් හිස්වැස්ම ගෙන පැළඳ ගත්තේය. එමෙන්ම තම කඩුව ඊඟ වාටා පැළඳ ගත්තේය. යුද්ධ බිමට යාමට මෙන් සැරසුනු සෙනවිතුමා තම කුටියෙන් පහළට බැස්සේය.
සෙනවිතුමා............ කුමාරයා ඇවිල්ලද? සරාගී හඬක් වම්පස තිබෙන කුටිරයෙන් ඇසුනි.
ඔව් කුමාරයා ඇවිල්ලා. පැවසු සෙනවිතුමා ඉක්මන් ගමනින් සේනාව රැස්කර තිබු තැන වෙත ගියේය. සේනාව ඉදිරියේ බලකොටුවේ දොරටුව මුහුණලා බණ්ඩාර සෙනවිතුමා සිටගත්තේය.
කුමාරයාට ජයවේවා කියන හඬ ලඟ ලඟම ඇසෙන්නට විය.
බලකොටුව ඉහල සිටි දුනුවායන් සිය දුනු එකවර පස්සට ඇද සුදානම් කර ගත්තේය.
කන්ද නැග එන කුමාරයාත් ඔහු පසු පස එන මාහා ජන කඳත් මුර භටයන්ට දකින්නට ලැබුනි. බලකොටු පාමුළට ආ කුමාරයා සීනාමුසු මුහුණින් දුනුවායන් දෙස බැලුවේය. මැද සිටි දුනුවායෙක් දුන්න හෙමින් පහළට ගත්තේය.
උඹලාගේ කුමාරය මෙතන ඉන්නවා. කුමාරයා හැටියට රජ්‍යය භාර ගන්නයි මම සැරසෙන්නේ මගේ පැත්තට ඉන්නේ කවුද? කුමාරයා හිස ඔසවා අසන විට මුළු ජනතාවත් සේනාවත් මීයට පිඹාක් වැනි ස්භාවයක් ගත්තේය. සුළගේ හඬ පමණක් ඇසුනි.
කුමාරයාට ජය වේවා. දුන්න පහළට ගත් හේවායා කෑගැසුවේය. ඉන්පසු ජනතාව කෑගැසීමට පටන් ගත්තේය. ඉන්පසු පාබල හමුදාවත් අශ්වාරෝහකයිනුත් උපසෙනවිවරුත් කෑගසන්නට විය.
දොරටු විවෘත්ත කරනු නිහඬව සිටි සෙනවිතුමා තම හඬ අවදි කළේය. නැවත මුළු ප්‍රදේශයම නිහඬවිය. දොරටුවල සුවිශාල අගුල් මහත් හඬක් නගමින් ඇරෙද්දි කුමාරයා රාජ තේජසින් යුතුව තම අසු මත සිටියේය.
සෙන්පතියාගේ ගම්භීර මුහුණ කුඩා හුරතල් දරැවෙක් දකින විට ඇති වන සෙනහසකින් පිරී ගියේය. දෑත් දෙපසට යොමු කළ සෙන්පතියා කුමාරයා අපි වෙන්නයිආර් බලකොටුවට සාදරයෙන් පිළිගන්නවා.කුමාරයා අසපිටින් බැස දිව විත් බණ්ඩාර සෙනවිතුමාව බදා ගත්තේය. එවිට නැවත ඝොෂාව පටන්ගත්තේය.

දැක්කද? නිර්මාණයක් කිරීමට සෑබෑ ජිවිත අද්දැකීමක්ම අවශය නෑ. අපේ මොළය කර්මාන්ථ ශාලාවක් වගෙයි. හැබැයි එයින් එලියට එන දේ අපි දන්නේ නෑ. අපි දන්නේ ඇතුල් කරන දේ විතරයි. දැන් ඔයාලට පුළුවන් අභ්‍යාසයක් ලෙස ක්‍රියාකාරකමක් කරන්න. ප්‍රතිභාව කියන දේ මම විශ්වාස කරන්නේ නෑ. නමුත් සතත අභ්‍යාසය අත්‍යවශ්‍යමයි. සතත අභ්‍යාසයේ මුදුන් පලය තමයි ප්‍රතිභාව. ඔනෑම දෙයක දිගින් දිගටම යෙදීමෙන් එහි දක්ෂයෙක් වෙන්න පුළුවන්. ඒ නිසා අතහරින්න එපා ඔබටත් බෙතොවන් කෙනෙක්, ශේක්ෂ්පියර් කෙනෙක් පෝලෝ කොයෙලෝ කෙන්ක් විය හැකියි. 

නිර්මාණය අගොස්තු 12 2015

ටික දවසක් ගියා දන්නවනේ මම පුර්ණ කාලීන ලේඛකයෙක් නෙමෙයිනේ ඉතිං මට ටිකක් කාලය යනවා ලියන්න. කාලයක ඉදලා මම හිතාගෙන ඉන්නවා නිර්මාණයක් ඇති වන ආකාරය පැහැදිලි කරන්න. ඒකට හේතු වුනේ මම ලියන නවකථාවක තියෙන කිස් කරන කොටසක් මගේම අද්දැකීමක් කියලා ගොඩක් දෙනෙක් හිතා ගෙන සිටීමයි. කිස් කරලා තියෙනවා ඒ මගේ නෝනාව නමුත් නව කථාවේ තියෙන්නේ මගේ අද්දැකීමක් නෙමෙයි. එතකොට කොහොමද අපි මේවා ලියන්නේ. අලුතින් ලියන නංගිලා මල්ලිලාටත් මේක හොදයි. යමක් නිර්මාණය කරීමේදී ක්‍රමවේදයන් කීපයක් තියෙනවා.

1.       අනුන්ගේ අද්දැකීමක් මගේ කර ගැනීම
2.       යම් සුළු සිද්ධියක් ගැන දිගින් දිගටම සිතීම, සිතමින් එයට කොටස් එකතු කිරීම
3.       පොතක්, චිත්‍ර පටියක් ඇසුරෙන් (උදා- ඩීමන් ආනන්ද)
4.       දකින සිහිනයක් විකාශනය නැත්නම් පුළුල් කර සිතීම
5.       තාමාගේම ජිවිත අද්දැකීම්

අපි බලමු උදාහරණයක්. ෆිෆ්ටි ෂේඩ්ස් ඔෆ් ග්‍රේ කියන චිත්‍ර පටිය සැකසී තියෙන්නේ කාන්තාවක් හා පිරිමියෙකුගේ ප්‍රේම සම්බන්ධයක් පදනම් කරගෙන කාන්තාව කථාව කියන විදියට. නමුත් මේකම අපිට පිරිමියා දකින විදයට ලියන්න පුළුවන්. අද වැඩ දැන් උදේ 7.30යි දැහැමි බලා ඉන්නවා මා ඇය වෙත එන තුරු, ඔබත් දැහැමි දෙස බලා ඉන්නවා කියල මා දන්නවා නමුත් එම නවකථාව නොලියන්න කියා ලොකු බලපෑමක් තියෙනවා. කමක් නෑ මම උත්සහා කරනවා මගේ ජිවිතෙත් රැකගෙන කථාව ලියන්න. ඔබට කරන්න පුළුවන් උදව්ව තමයි මගේ බොලොග් එකට කමෙන්ටස් දැමීම මාව උනන්දු කරලා. දැන් වැඩට යන්න වෙලාව හරි, අද අපේ ව්‍යාපාර සංවර්ධන කළමණාකරු එනවා. ජිවිතය කියන්නේ සතුට ගෙන එන විනොදගමනක් ඒක අමතක කරන්න එපා. සතුටින් ඉන්න සිංදුවක් අහලා. ජය වේවා. 

ජුනි 22 ජිවිතය

දැහැමි සෙමෙන් ලිය වෙමින් පවති. මාගේ දින පොත ලියන්න තරමක් මා ප්‍රමාද වුනෙමි. නමුත් අද මට යම් කාලයක් ලැබුනු නිසා මේසේ ලියන්නට සිතුවෙමි. අද මම තරමක් පාන්දර නැගිට්ටෙමි. අද මම මේ දවස් වල කියවන පොතක තියෙන අදහස් බෙදා ගන්න කැමතියි.

ලෝකය දිහා බලන විට අපට පෙනෙන්නේ ශක්තිමත්ම අය යුද්ධය නොදනන බවත් බුද්ධිමත්ම අය ඉහලට නොවන බවත්ය. සාර්ථකත්වයට රහස කුමක්ද? එය නම් විශ්වාසයයි. දැඩි විශ්වාසය තුළ අපට බොහා්දේ කළ හැකියි.මේ බව බොහෝ උගතුන් පිළිගෙන තිබෙනවා. එක් අවස්ථාවක ජේසු පැවසුවේ විශ්වාසය අබ ඇටයක් ප්‍රමාණය ඇත්නම් කන්දක් වුනත් ඉවත් කළ හැකි බවයි.

ස්ටීව් ජොබ්ස් නැමති ව්‍යාපාරික නිර්මාපකයා පවසන්නේද මේ දෙයමයි. ඔහු කියන්නේ ලෝකය විසින් ඔබට නිර්මාණය කර දී ඇති සීමා වල නොරැදෙන ලෙසයි.

ජිවිතය අසීමිතයි කියා සිතන්න. වෙනස් කරන්න. ඔහු ඒ විධියට නොසිතුවා නම් අද වන විට පර්සනල් කම්පියුටර් එකක හෝ නොතිබෙනු ඇත. තොමස් අල්වා එඩිසන් තම සීමාවේ සිටියා නම් විදුලි බුබුළ නිර්මාණය නොවනු ඇත. ඒ අනුව අප පෙට්ටියෙන් පිටත සිතිය යුතුයි. ටිකක් හිතන්න ටිකක් ආඩම්බර වෙන්න මැලි වෙන්න එපා.

ඔබගේ සීමාව අතික්‍රමණය කරන්න. ඒ වගේම එය කළ හැකි බව සිතන්න.

කළ නොහැක්කක් නොමැත - මහත්මා ගාන්ධි

ඔව් කළ නොහැක්කක් නොමැත.

ජිවිතයට මුදල් වැදගත්ද? ගොඩදෙනෙක් මුදල් වලට ආස වුනත් කියන්නේ හා පෙන්වන්නේ මුදල් අවශ්‍ය නැති බවයි. මුදල් වලට සතුට ගෙන ආ නොහැකි බවයි. නමුත් එය පුර්ණ සත්‍යයක්ද? නෑ එය පුර්ණ සත්‍යයක් නොවේ. ඇතතටම මුදල් නොමැතිව ලත වනවාට වඩා මුදල් ඇතිව සිටීම ඉතාම යහපත් වේ. මුදල් ඇත නම් ජිවිතයේ බොහෝ දේ ගැන කනස්සලු නොවිමට අපට හැකියි. එහි අවසාන ප්‍රතිපලය ප්‍රීතියයි. නමුත් මුදල් අත්කර ගන්න අපි කළ යුත්තේ කුමකුද?

1. පැහැදිලි අරමුණක් අපට තිබිය යුතුයි. අපට අවශ්‍ය මුදල් ප්‍රමාණය නිශ්චිතව හා අවශ්‍ය දිනය සඳහන් කළ යුතුයි.

2. ඒ වෙනුවෙන් අපි ලබා දෙන්නේ කුමක්දැයි දැන සිටිය යුතුයි.

3. එමෙන්ම ඒ අරමුණ ලිඛිතව තබා ගත යුතුයි.

4. එම ලේඛනය නිතිපාත කිය විය යුතුයි - ඇයි? ඒකට හේතුව යම්ක් නිතර නිතර කියෙව්වොත් විතරයි ඒ අරමුණ අපිට දාරණය කර ගත හැකි වන්නේ. ඔකේ බොයිස් අපි ඊළඟ කොටසින් හමු වෙමු.